السبت، 16 يونيو، 2012

يسقط يسقط حكم العسكر

بهدوء لانحزن ولا نُحبط من حكم المحكمة ومحاولة وأد الثورة من جانب المجلس العسكرى فنحن لم ننتظر ان يقف المجلس العسكرى مع الثورة فكثير منا كان يعلم ان المجلس العسكرى ليس مؤمن بالثورة ولا حماها كما حاول ان يوهم البعض فكان هدف الجيش من الثورة هو التخلص من مبارك وجمال فقط لاغير وهذا ما حصل عليه فبدأ يخطط لكيفية القضاء على الثورة ويكاد ان ينجح ولكن لن نتركه ينجح فى مسعاه أبدا ما دام فينا قلبا ينبض فلا تبتس ولا تُحبط . قوتنا فى وحدتنا والوقوف مع بعض موقف واحد فان تركناهم يخلصوا على فصيل منا فسيأتى الدور علينا ولا يترك أحد فالوقت ليس مناسب ان نشمت فى الاخوان بسبب حل البرلمان فالحقيقة هم لم يسقطوا البرلمان وأنم يحاولون وأد الثورة ,فأنا مع كل واحد يقولى هم الاخوان اللى عملوا فينا كده ووصلونا للدرجة دى هقوله معاك حق لو هما من الاول سمعوا كلام رجال القانون وهم بيقولوا الانتخابات مش دستورية من الاول وأكتفوا بالقوائم بس الواحد بيراجع الذاكره يلاقى ان المجلس العسكرى هو اللى حط المطب الدستورى فى الطريق مستغل طمع الاخوان فى المجلس وحاسسه انه حزب الثورة علشان لما يحب يخلص منهم يخلص بسهولة . لو انت كاره وقرفان وزعلان من الاخوان أنا زيك بس بنصحك وبقولك لازم نقف مع بعض دلوقتى ضد شفيق والفلول أحسن ما نقف مع بعض رغم انفنا فى السجون الحربية والمعتقلات . 
يسقط يسقط حكم العسكر
يسقط يسقط حكم العسكر

يسقط يسقط حكم العسكر
 إسماعيل الشيمى

ليست هناك تعليقات:

إرسال تعليق

حدث خطأ في هذه الأداة